Goranboyda xəsarətlə nəticələnən yol qəzası baş verib. Xanqərvənd kəndi yaxınlığından keçən magistral yolda "QAZel" və "Mitsubishi Pajero" markalı iki avtomobil toqquşub. Nəticədə 3 nəfər xəsarət alıb. Bunlar "QAZel"in sürücüsü, 27 yaşlı Tərtər rayon sakini Vüsal Həsənov, minik maşınının sürücüsü 62 yaşlı Goranboy rayon sakini Aydın Nəcəfov və 22 yaşlı Tərtər rayon sakini İsmət Abdullayevdir. Hər üç yaralı ətrafdakıların köməyi ilə xəstəxanaya yerləşdirilib.