• KƏPƏZ TV
    canlı yayım
Bu günə xəbərlərin oxunma sayı: 2748
— 30.10.2019 12:24

Gecə saatlrında qaydaları pozan sürücülər yol polisinin hədəfində

KepezTV Player

Gəncədə Yol Polisi əməkdaşları marifləndirici reydləri davam etdirir. Axşam saatlarına təsadüf edən növbəti yoxlamalar zamanı qaydalara əməl etməyən sürücülər məsuliyyətə cəlb ediliblər. Reyddə əməkdaşlarımız da iştirak edib. Təfərrüatlar videomatarialda.

Ötən axşam təşkil edilən kütləvi yoxlamalar əsasən avtomobillərin intensiv hərəkəti müşahidə olunan küçə və prospektlərdə aparılır. Həm məlumatlandırma, həm də qayda pozucularına qarşı tədbirlərin görüldüyü reyd zamanı 40-dan artıq sürücüyə protokol tərtib edilib.

Gəncədə yol polisləri gecə reydlərini davam etdirir. Şəhərin Əziz Əliyev küçəsindən başlanılan yoxlamalar hazırda Atatürk prospektində aparılır. Bu dəfə də əsas hədəf sükan arxasında sənədsiz və sərxoş əyləşən sürücüləri aşkarlamaqdır.

Həyata keçirilən tədbirlər zamanı avtomobillərin texniki vəziyyətinə qanunsuz müdaxilə edərək əlavə avadanlıqlar quraşdıran, nəqliyyat vasitələrinin ön, arxa şüşələrinə qanunla icazə verilməyən pərdə vuran, sürət həddini aşan, qarşı hərəkət zolağına çıxan bir neçə sürücü saxlanılaraq  onlarla marifləndirici söhbət aparılıb, eyni zamanda yol hərəkəti qaydasını pozduqlarına görə barələrində protokol tərtib edilib.

Həmçinin yoxlamalar zamanı sürücülük hüququ olmadan avtomobil idarə edən sürücülər müəyyən edilərək barələrində müvafiq tədbirlər görülüb. Konstruksiya dəyişikliyinə görə saxlanılan sürücülərin avtomaşınları cərimə meydançasına aparılıb.

Hacı Həsənov - baş inspektor: Ümumiyyətlə Gəncə şəhərində avtomobilin konstruksiyasına dəyişiklik edilməsi ötmə manevretmə qaydalarının pozulması və sairə kimi hallar aşkarlanır və həmin  sürüclər barəsində müvafiq təbirlər görülür. Sürücülərə tövsiyyəmiz ondan ibarətdir ki mövcud qyadlara əməl etsinlər. Hər bir sürücü qaydalara əməl etdiyi təqdirdə özünün sağlamlığını və həyatını sığortalamış olur.

Tədbirlərin keçirilməsində əsas məqsəd qayda pozan sürücüləri aşkar etmək və baş verə biləcək qəzaların qarşısını almaqdan ibarətdir. Yoxlamalar davm etdirilir.

 

Natiq Hüseyn