• KƏPƏZ TV
    canlı yayım
Bu günə xəbərlərin oxunma sayı: 4007
— 21.10.2019 16:18

Daşkəsəndə məktəblilərlə marifləndirici görüş keçirilib

KepezTV Player

Bəşəriyyəti narahat edən narkomaniyanın acı fəsadlarından Daşkəsəndə polisin məktəblilərlə görüşündə danışılıb. “Narkomaniya bəşəriyyətin bəlasıdır!” mövzusunda reallaşan tədbirdə rayon polis şöbəsinin rəisi Azay Ağayev Azərbaycanda narkomaniyanın yayılmasının qarşısının alınması məqsədilə görülən tədbirlər, dünya ölkələri və beynəlxalq təşkilatlarla birgə aparılan mübarizədən danışıb. Bu sahədə hüquq-mühafizə orqanlarının fəaliyyətinin gücləndirilməsinin daim diqqət mərkəzində saxlanıldığı vurğulanıb. Narkomanlıq və narkobiznesin cəmiyyətin mənəvi, əxlaqi dəyərlərini sarsıtdığı, insanların həyat və sağlamlığına ciddi təhlükə yaradığı, cinayətkarlığın artmasına səbəb olduğuna diqqət çəkilib. “Narkomaniya bəşəriyyətin bəlasıdır!” adlı videoçarx nümayiş olunub, iştirakçıları maraqlandıran suallar cavablandırılıb.  

 

Natiq Hüseyn