• KƏPƏZ TV
    canlı yayım
Bu günə xəbərlərin oxunma sayı: 3766
— 08.10.2019 20:44

Qazonun döşənməsinə start verilib

KepezTV Player

Gəncə şəhər stadionunda yeni süni örtüklü meydanın salınması prosesi son mərhələdədir. Artıq meydan üçün nəzərdə tutulan ərazidə qazonun döşənməsinə start verilib.

Qaydaya uyğun olaraq əvvəlcə asfalt örtük üzərinə xüsusi yumşaldıcı vasitə olan şokpet vurulur və daha sonra süni qazon döşənir. Meydanın uzunluğu 105, eni isə 68 metr olmaqla standart ölçülərə malikdir. Futbol infrastrukturunun inkişafı məqsədilə həyata keçirilən layihə AFFA tərəfindən icra olunur.

Süni meydança hazır olduqdan sonra “Kəpəz”in əsas komandası ilə yanaşı, klubun aşağı yaş qruplarından ibarət komandaları da burada məşq edib oyunlara çıxa biləcəklər.

Xatırladaq ki, Gəncə şəhər stadionunun əsas meydanının da təbii ot örtüyü 2017-ci ildə AFFA tərəfindən tam olaraq yenilənib.

Azad Rəfi