• KƏPƏZ TV
    canlı yayım
Bu günə xəbərlərin oxunma sayı: 1286
— 23.09.2019 16:04

İlqar Nadiri “Kəpəz”in icraçı direktoru oldu

KepezTV Player

“Kəpəz” Peşəkar Futbol Klubuna yeni təyinat olub. Klubun icraçı direktoru vəzifəsi İlqar Nadiriyə tapşırılıb. 

Gənc klub rəhbəri ötən ilin sonlarında Elnur Camalxanovun istefasından sonra boşalan postu tutub. İlqar Nadiri artıq 3 gündür ki, Gəncə klubunda vəzifəsinin icrasına da başlayıb.

“Kəpəz”in yeni icraçı direktoru azarkeşlərə çağırış da edib: “Gəncə azarkeşləri hər zaman futbola sevgiləri ilə tanınıblar. Mən fanatlarımızı stadiona komandamıza dəstək verməyə dəvət edirəm. Bu gün “Kəpəz”in yanında daha çox olmalıyıq. Futbolçuların azarkeş dəstəyinə böyük ehtiyacı var. Bu, onları ruhlandıra, qələbələrə həvəsləndirəcək”.  

İlqar Nadiri Gəncədə yerli futbol mərkəzinin həmtəsisçisidir. O,  bu ilin aprel-iyun aylarında Mini Futbol Liqasının Nizami yurdunda təşkil etdiyi “Gəncə Kuboku” turnirinin təşkilat komitəsində yer alıb.

Azad Rəfi