• KƏPƏZ TV
    canlı yayım
Bu günə xəbərlərin oxunma sayı: 2088
— 27.05.2019 17:31

Amil Həmzəyevin komandası Moldovada bürünc medalçı oldu

KepezTV Player

Karyerasını Moldovada davam etdirən Gəncə basketbol məktəbinin yetirməsi Amil Həmzəyev növbəti uğura imza atıb. 29 yaşlı mərkəz oyunçusunun şərəfini qoruduğu “Rıbnitsa” klubu ölkə çempionatının bürünc medallarını qazanıb. Həmzəyevin komandası 3-cü yer uğrunda seriyanın 5-ci oyununda tibb universitetini təmsil edən kollektivə qalib gəlib. “Ribnitsa” ötən çempionatda da anoloji nəticəyə imza atıb, bu mövsüm isə bürünc mükafatlarla yanaşı, ölkə kubokunu da qazanıb. 2019-ci ilin əvvəlindən Moldovada oynayan Amilin hazırda klubla müqavilə sona çatır. Bununla belə, razılaşmaya əsasən, yığmamızın üzvü avrokubok matçlarında komandaya kömək edəcək. Xatırladaq ki, “Rıbnitsa” Həmzəyevin karyerasında ikinci xarici klubdur. 2016-ci ildən legioner həyatı yaşamağa başlayan basketbolçu iki il yarım müddətində Ukraynada “Kremen”in uğurları üçün çalışıb. O, Kremençuk komandasının heyətində Ukrayna çempionatının Super Liqasında və aşağı dəstəsində oynayıb.  

 

Azad Rəfi