• KƏPƏZ TV
    canlı yayım
Bu günə xəbərlərin oxunma sayı: 1754
— 17.01.2019 10:48

Nexus adlı hava taksisi təqdim olundu

Uber şirkəti ilə əməkdaşlıq edən vertolyot istehsalçısı Bell şirkəti qısa məsafəli uçuşlar üçün nəzərdə tutulmuş hava taksilərinin istifadəyə verilməsini planlaşdırır. Las Veqasda keçirilən beynəlxalq sərgidə Bell şirkəti özünün hava taksisi nəqliyyatını sərgiləyib. Şirkətin hazırladığı ilk aerotaksi prototipinin adı Nexus-dur və o, 5 nəfər sərnişin üçün nəzərdə tutulub. Nexus modelinin daxilində 4 nəfər adi sərnişin və bir nəfər pilot yerləşə bilər. Bununla yanaşı aerotaksi modelinin ümumi çəki qaldırma qabiliyyəti 272 kq-dır. Bu hava nəqliyyatı növü elektriklə çalışan 6 pərdən ibarətdir. Onların vasitəsilə Nexus şaquli şəkildə uçuş və enişi reallaşdırır. Bunun sayəsində aerotaksi üçün ayrıca uçuş zolağı lazım deyil. Bunun yerinə onun üçün kiçik vertolyot meydançası da kifayət edir. Qeyd etmək lazımdır ki, daha öncədən Bell şirkəti Uber Elevate layihəsi ilə əməkdaşlıq müqaviləsi bağlamışdı. Bu layihə Uber tərəfindən yaradılıb və müxtəlif növ hava nəqliyyatının inkişafı üçün nəzərdə tutulub. Gözləntilərə əsasən Bell şirkətinin ilk aerotaksi modelləri artıq 2020-ci illərin ortalarında istifadəyə veriləcək. Nexus, Bell şirkətinin hava nəqliyyatı üzrə yeni model seriyası olacaq. Şirkət təkcə sərnişin daşınmaları ilə kifayətlənmək niyyətində deyil. Belə ki, şirkət özünün hazırladığı aerotaksilər vasitəsilə müxtəlif növ yüklərin daşınmasını reallaşdırmağı da planlaşdırır. Bura həmçinin hərbi məqsədli yüklər də daxildir. Bell artıq uzun illərdir ki, ABŞ ordusunu uçuş aparatları ilə təmin edir. Məlumata əsasən Nexus saatda 240 km sürətlə hərəkət edə bilir. Onun qət etdiyi yol isə bir dəfəyə 240 km-dir. Aparatın işlək versiyası isə bir qədər sonra yəni, aerotaksinin kommersiya məqsədli startına yaxın müddətdə təqdim ediləcək. Hazırda uçan taksi layihəsi üzərində 19 şirkət çalışır. Onların arasında Airbus və Boeing kimi məşhur şirkətlər də var.