Bakı-Qazax magistralının Şəmkirin Muxtariyyə kəndi ərazisindən keçən hissəsində, yol kənarında kişi meyiti tapılıb. Meyit muayinə olunması üçün Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinə yerləşdirilib. Araşdırmalarla məlum olub ki, ölən şəxs, Şəmkir rayon Kür qəsəbə sakini, 40 yaşlı Zahid Səfərovdur. Məlum olub ki, Səfərov müəyyən edilməmiş avtomobillə vurulub və hadisə yerində ölüb. Baş İstintaq və Təhqiqat İdarəsi tərəfindən əməliyyat-axtarış tədbirləri aparılır.