Oğuz rayonunda körpələr evi-uşaq bağçasının binasında uçqun olub. Qəzalı vəziyyətdə olan tikilinin arxa divarı uçub. Uçqun baş verən zaman ərazidə uşaqlar olmayıb. Calut kənd bələdiyyəsindən verilən məlumata görə, bina ötən əsrin 60-cı illərində inşa edilib, 40 ildən çoxdur ki, körpələr evi-uşaq bağçası kimi fəaliyyət göstərir. Son illər qəzalı vəziyyətə düşüb. Qısa müddətdə bağçanın digər binaya köçürülməsi nəzərdə tutulur.