• KƏPƏZ TV
    canlı yayım
Bu günə xəbərlərin oxunma sayı: 844
— 26.08.2015 15:13

Göygöl rayonunda yüksək bal toplayan tələbələrlə görüş keçirilib

Göygöl Rayon İcra Hakimiyyətində bu il imtahanlarda yüksək nəticələr göstərərək tələbə adını qazanan gənclərlə görüş keçirilib. Görüşdə bildirilib ki, rayon üzrə bu il imtahanlarda 470 nəfər iştirak edib. Onlardan 200-dən çoxu müxtəlif ali təhsil müəssisələrinə qəbul olunub. 500-dən yuxarı bal toplayanların sayı 35, 600-dən çox bal toplayanların sayı isə 14-dür. Ötən il isə bu göstəricilər müvafiq olaraq 7 və 6 nəfər olub. Ümumiyyətlə ali təhsil ocaqlarına qəbul olunanların sayı ötən illə müqayisədə iki dəfə çoxdur.

Tədbirin sonunda tələbələrə hədiyyələr verilib.

Nigar Quluzadə- tələbə: “Sınaq imtahanlarında yüksək bal toplayırdım, valideynlərim daha yaxşı nəticələr gözləyirdi. Nəticədə 603 balla BDU-nun Tarix müəllimliyi fakültəsinə qəbul oldum”.

Tamara Hüseynli- tələbə: “Texniki təbiət fənnləri təmayüllü liseyin məzunuyam. Qəbul imtahanlarında 628 bal toplayaraq BDU-nun Beynəlxalq münasibətlər fakültəsinə qəbul oldum”.